Kembar 69

Lamsijan endase putek seglemek, pusing seiring, dudu bae lantaran mikiri dalan kang tambah sesek, tapi dikejer-kejer tagihan lishing.
“Apa seh ngelus-ngelus batuk bae kuh? ” Takone Bos Kamid.
“Mumet endas Bos, dalan tambah sesek bae, keaken menusa.”
“Ya bli akeh menusae priben, saben menit kayae ana wong lairan,” jare Bos Kamid.
“Bener Bos, apa maning lairane kembar, menusa cepet akeh,” jare Warlam.
“Mending Lam, yen kembare mung loro tah papat, sekiyen ana Kembar 69,” jare Lamsijan.
“wuah masa iya seh Jan!?” Bos Kamid bli percaya.
“Iya seh Jan, kembar 69, wetenge embokane gede-e sepira, lamun iya kah ning jagat endi Jan?” jare Warlam.
“Ning Kota Cirebon! ”
“Waduh, tambah gawe endas puyeng bae. Yuh coba pai weruh, numpak mobil anne,” jare Bos Kamid.
Lamsijan pede bae, numpak mobil gratisan karo Warlam.
Wis teka Jalan Kesambi Kota Cirebon, Bos Kamid nakon. “Ning endi Jan?”
“Terus Bos, sebelah wetan Tapsiun Prujakan,”
Pas parek tapsiun sepur Prujakan, Lamsijan jaluk Bos Kamid minggir kan parkir.
“Kuh Bos, deleng Kembar 69 ! ”
“Lha kuwen seh aran dalan, lengkape Jalan Kembar No. 69, koplak kuh..!!! ”
“Heh heh heh….!!!” Lamsijan gemuyu ngekek. Warlam mung godeg-godeg endas.(Mimi Gede/CN)