YEN lagi akeh duwit, apa maning arep Taun Baru, Bos Kamid karo Lamsijan ora bisa anteng ning jagat dewek, pengene dolan-dolan, apa maning ana rangda anyaran.
“Duh ning umah bae kuh jenuh. Yuh Jan dolan-dolan supaya mata seger,” jare Bos Kamid.
Maklum Bos Kamid karo Lamsijan lagi akeh duwit, tes olih komisian adol umahe mama Dilatif, dadi pengen plesiran ning Pangandaran.
Teka ning Pangandaran, keloro turis planga-plongo mau pengen numpak Go Car liwat aplikasi, ora olih-olih, aplikasi lelet.
Suwe-suwe aplikasi bisa lancar. Go Car teka, Bos kamid karo Lamsijan bungah. ”Dengan Bapak Kamid ya, tujuan Candi Mendut ya…” jare supir Go Car.
“Iya benar, Bos Kamid, tujuan Candi Mendut,” jawab Lamsijan.
Perjalanan wis rada suwe, Bos Kamid ngobrol karo Lamsijan. “Jan, kenang apa ya, seng mau supir gawa mobile ngebut bae,” Bos Kamid bebisik.
“Bener Bos, terus supir kuh katone serius pisan, laka basa-basie,” jare Lamsijan.
Rupane Bos Kamid karo Lamsijan wetenge kampong dadi pengen mampir ning Angkringan kang ana pinggir dalan.
“Mas….berhenti dulu di angkringan, makan bareng,” jare Bos Kamid.
“Astagfirullah..!!,” supir kaget, sampe ngerem mobil dadakan.
“Lha… ana apa Mas, ngerem dadakan ?” takone Lamsijan.
“Iya nyupir Go Car udah lama belum Mas ?! ” takone Bos Kamid.
“Justru saya baru hari ini, tadinya nyupir ambulans, makanya tadi sangat kaget barangkali jenazah hidup lagi,” jawab supir Go Car.
“Wualah….apes temen Jan, ente karo anne disangka mayid urip…..!” jare Bos Kamid.
“Maaf Bos…. Maaf….,” supir jaluk maaf.
”Heh heh heh…… …!!” Lamsijan malah gemuyu ngekek.
(Mimi Gedhe/CN)
